Home Breaking News तालुक्यात जिल्हा परिषदेची 1 तर पंचायत समितीच्या 2 जागा वाढणार !

तालुक्यात जिल्हा परिषदेची 1 तर पंचायत समितीच्या 2 जागा वाढणार !

1022

लोकसंख्येच्या आधारावर शासनाचा निर्णय

लोकसंख्येच्या आधारावर स्थानिक स्वराज्य संस्थांच्या जागा वाढवण्यात येणार असल्याचा निर्णय राज्य शासनाने घेतला आहे. यामुळे नगरपालिकाप्रमाणेच लोकसंख्येच्या प्रमाणात जिल्हा परिषद, पंचायत समितीमध्ये जागा वाढवण्यात येणार असल्याने वणी तालुक्यातील जिल्हा परिषदेची 1 तर पंचायत समितीच्या 2 जागा वाढणार आहेत.

वणी तालुक्यात शिंदोला- शिरपूर, लाठी- लालगुडा, राजूर – चिखलगाव व घोन्सा – कायर असे 4 जिल्हा परिषद गट आहे तर शिंदोला, शिरपूर, लाठी, लालगुडा
राजूर, चिखलगाव, घोन्सा व कायर असे 8 पंचायत समिती गण आहेत.

राज्य सरकारच्या या निर्णयामुळे अवघ्या काही महिन्यावर येऊन ठेपलेल्या जिल्हा परिषद व पंचायत समितीच्या निवडणुकीत जागा वाढणार आहेत. त्यामुळे जिल्हा परिषद, पंचायत समितीमधील समीकरणांमध्ये मोठा बदल होणार आहे. या वाढलेल्या जागांनुसार राजकीय पक्षांना आपली रणनीती ठरवावी लागणार आहे.

शासनाच्या निर्णयामुळे राज्यातील सध्याची जिल्हा परिषद सदस्यांची संख्या 2000 वरुन 2248 इतकी होईल. त्याचप्रमाणे पंचायत समिती सदस्यांची संख्या देखील 4000 वरुन 4496 इतकी होईल. सध्या राज्यातील जिल्हा परिषद सदस्यांची संख्या कमीत कमी 50 व जास्तीत जास्त 75 इतकी आहे.

सध्यस्थितीत तालुक्यात जिल्हा परिषदेच्या 4 तर पंचायत समितीच्या 8 जागा आहेत. राज्य सरकारच्या या निर्णयामुळे निवडणुकीच्या रिंगणात उतरू पाहणाऱ्या इच्छुकांना काही प्रमाणात दिलासा मिळणार आहे.

राज्य शासनाच्या निर्णयामुळे लोकसंख्येच्या आधारावर तालुक्यातील वाढणारी जागा नेमकी कोणत्या भागातील असेल हे अद्याप स्पष्ट झाले नाहीत. मात्र सर्वच राजकीय पक्षाला जिल्हा परिषद व पंचायत समिती करिता बलाढ्य उमेदवाराचा शोध घ्यावा लागणार आहे.
वणी: बातमीदार

Previous articleएस. टी. महामंडळात निलंबनाचे ‘सत्र’
Next articleआता…टारगट चिडीमार पोलिसांच्या रडारवर
Whatsapp Image 2021 07 18 At 1.43.51 Pm (1)
वणी परिसरातील बित्तंबातमी ‘रोखठोक‘ न्युज पोर्टल च्या माध्यमातुन पोहचविण्याचा आमचा प्रयत्न असणार आहे. खोडसाळ व हेतू परस्पर बातम्या लिखाणाचा आमचा पिंड नाही. सत्य ते जनते समोर आणण्याचा प्रयत्न असणार आहे. सामाजीक, आर्थिक, शैक्षणिक, विकासात्मक विषयावरिल बातम्या हाताळण्याचा आम्ही प्रयत्न करु सोबतच बातमी मागील बातमी शोधून जनहितार्थ वृत्त संकलन हाच आमच्या न्यूज पोर्टलचा उद्देश असणार आहे.