● तेजापूर येथील हृदयद्रावक घटना
Sad News
बुधवारी सकाळी सुमारे 11:30 वाजता तेजापूर येथील शेतामध्ये विज पडून एक तरुण ठार, तर दोघे गंभीर जखमी झाल्याची दुर्घटना घडली. मुकुटबन पोलीस स्टेशन हद्दीतील ही हृदयद्रावक घटना आहे. Farmer’s son dies after being struck by lightning, two others critically injured
मिळालेल्या माहितीनुसार, तेजापूर येथील शेतकरी सुधाकर भगत यांचा पुत्र धम्मरत्न सुधाकर भगत (23) हा शेतात बैल चारत असताना अचानक आभाळ भरून आले. वीजा चमकल्याने आणि पावसाला सुरुवात झाल्याने त्याने शेतातील झोपडीत आसरा घेतला. त्याच वेळी झोपडीवर वीज कोसळल्याने तो जागीच ठार झाला.
या घटनेत त्याच्या सोबत असलेले गजानन दिवाकर कोंडेकर (24) आणि पूनम संजय मालेकर (23) हे दोघे गंभीर जखमी झाले. यातील एकाने तातडीने नातेवाइकांना फोन करून माहिती दिल्यानंतर गावकऱ्यांनी घटनास्थळी धाव घेतली व तिघांना तत्काळ वणी येथील ग्रामीण रुग्णालयात दाखल केले.
तेथे डॉक्टरांनी धम्मरत्न भगत याला तपासून मृत घोषित केले. जखमी दोघांवर पुढील उपचारासाठी खासगी रुग्णालयात दाखल करण्यात आले आहे. धम्मरत्न भगत हा आई-वडिलांचा एकुलता एक मुलगा होता. त्याच्या अकाली मृत्यूने कुटुंबीयांवर दुःखाचा डोंगर कोसळला असून, गावात शोककळा पसरली आहे.
Rokhthok
