● मारेगाव तालुक्यातील घटना
Maregaon Crime News | मारेगाव तालुक्यातील मार्डी येथे बुधवारी रात्री धक्कादायक घटना घडली. क्षुल्लक वादातून एका तरुणाने कुऱ्हाडीने सपासप वार करत 21 वर्षीय तरुणांवर जीवघेणा हल्ला चढवला. यात त्याचा मृत्यू झाला असून घडलेल्या घटनेमुळे भीतीचे वातावरण निर्माण झाले होते. A youth attacked a 21-year-old youth with an ax after a petty dispute.
कैलास बंडू सोयाम (21) रा. मजरा असे मृत्युमुखी पडलेल्या तरुणाचे नाव आहे. त्याचा व अन्य एका तरुणाचा क्षुल्लक कारणावरून वाद झाला होता. वादाचे रूपांतर हमरीतुमरीवर आले आणि चक्क दुसऱ्या तरुणाने कैलासवर कुऱ्हाडीने हल्ला चढवला.
कुऱ्हाडीचा घाव वर्मी लागताच कैलास खाली कोसळला. मुख्य चौकात घडलेली ही घटना थरारक होती. प्रत्यक्षदर्शींनी तातडीने पोलिसांना सूचित केले तर काही नागरिकांनी त्याला उपचारार्थ मारेगाव येथे हलवले. अति रक्तस्त्राव झाल्याने प्रकृती चिंताजनक होती त्याला वणीला रेफर करण्यात आले असता डॉक्टरांनी तपासणीनंतर मृत घोषित केले.
या प्रकरणी पोलीस तपास करत असून नेमकी कोणत्या वादातून हत्या करण्यात आली हे तपासाअंती उलगडणार आहे. तसेच हत्या करणारा कोण हे स्पष्ट होणार आहे. घटनेची माहिती मिळताच मारेगाव पोलिसांनी घटनास्थळ गाठले आणि तपासाला सुरुवात केली आहे.
Rokhthok News
