● आत्महत्येचे कारण अस्पष्ट
Sad News Wani | तालुक्यातील पठारपूर येथे वास्तव्यास असलेल्या 25 वर्षीय तरुणाने गळफास लावून जीवन संपवले. ही घटना रविवार दिनांक 15 ऑक्टोबर ला पहाटे उघडकीस आली. तरुणांच्या आत्मघाती निर्णयाने गावात शोककळा पसरली आहे. A 25-year-old youth ended his life by hanging himself.
शंकर तुकाराम मंगाम (25) असे मृतकाचे नाव आहे. तो आपल्या परिवारासह पठारपूर येथे वास्तव्यास होता. कायर- पठारपूर मार्गावर असलेल्या एका लेआऊट मधील लिंबाच्या झाडाला दोरीच्या साह्याने गळफास लावलेल्या अवस्थेत तो आढळून आला.
प्रत्यक्षदर्शींनी घटनेची माहिती शिरपूर पोलिसांना दिली. पोलिसांनी घटनास्थळ गाठून मृतदेहाचा पंचनामा केला व शव उत्तरीय तपासणीसाठी ग्रामीण रुग्णालयात पाठविण्यात आला. मृतक हा आई- वडिलांचा एकुलता एक मुलगा असल्याचे कळते. त्याचे पश्चात आई, वडील, दोन विवाहित बहिणी व मोठा आप्तस्वकीय परिवार आहे. त्याने टोकाचे पाऊल का उचलले हे स्पष्ट होऊ शकले नाही.
Rokhthok News
