●1000 सिरिन्ज पालिकेच्या सुपूर्त
शहरातील प्रत्येक नागरिकाला कोरोना प्रतिबंधक लस मिळावी या करिता नगर पालिका प्रशासन धडपड करीत आहे. सूरु असलेल्या मोहिमेत आपलाही हातभार लागावा याकरिता वणी केमिस्ट अँड ड्रगिस्ट असोसिएशने 1000 सिरिन्ज पालिकेच्या सुपूर्त केल्या.
मागील दोन वर्षांत कोरोनाने चांगलाच कहर केला. या विषाणूजन्य आजाराने अनेकांचे बळी घेते आहे. यावर मात करण्यासाठी केंद्र सरकारने देशभरात मोफत लसीकरण मोहीम सुरू केली आहे. मात्र अजूनही अनेकांनी लस घेतली नसल्याने नगराध्यक्ष तारेंद्र बोर्डे व मुख्याधिकारी अभिजित वायकोस यांच्या पुढाकाराने शहरात 17,18,व 19 नोव्हेंबर ला विशेष लसीकरण मोहीम सुरू केली आहे.
मोहिमेच्या पहिल्याच दिवशी हजाराच्या वर नागरिकांचे लसीकरण करण्यात आले. पालिकेने सुरू केलेल्या या मोहिमेला नागरिकां कडून आता चांगला प्रतिसाद मिळत आहे. ही मोहीम यशस्वी करण्यासाठी आपलाही हातभार लागावा या करिता सामाजिक संघटना सरसावल्या आहे.
येथील केमिस्ट अँड ड्रगिस्ट असोसिएशने पालिका प्रशासनाला निशुल्क सिरिन्ज देण्याचा निर्णय घेतला व 1000 सिरिन्ज केमिस्ट अँड ड्रगिस्ट असोसिएशचे अध्यक्ष लक्ष्मण उरकुडे, सचिव जितेंद्र डाबरे, उजवल पांडे, शंकर नागदेव, भरत जोबणपुत्रा, अजय खटोड, अंकुश कोठारी, उमाकांत भोजेकर, लक्ष्मीकांत हेडाऊ, शैलेश बाफना व पंकज कासावार यांनी नगराध्यक्ष तारेंद्र बोर्डे व मुख्याधिकारी अभिजित वायकोस यांच्या सुपूर्त केल्या आहे.
वणी : बातमीदार
