● सर्व प्रवाशी सुरक्षित
● नागरिकांच्या सतर्कतेने मोठी घटना टळली
वणी: गडचांदूर वरून वणीला येत असलेल्या राज्य मार्ग परिवहन विभागाच्या बस ला गुरुवार दि. 23 सप्टेंबर ला दुपारी 1 वाजता येथील तोल नाक्याजवळ अपघात झाला. या बस मधील सर्व प्रवाशी सुरक्षित असून नागरिकांच्या सतर्कतेने मोठी घटना टळली.
चंद्रपूर जिल्ह्यातील गडचांदूर डेपोतून बस क्रमांक MH-40-AQ- 6062 ही वणीला जात होती. अवघ्या 2 किमी अंतरावर पोहचण्यापूर्वीच ब्राम्हणी फाट्या जवळ काही नागरिकांना बस चे मागील चाक निखळण्याच्या अवस्थेत दिसले. त्यांनी दुचाकी वरून बसचा पाठलाग केला आणि चालकाला बस थांबविनाचा प्रयत्न केला.
बसचा पाठलाग तीन ते चार दुचाकीस्वारांनी केला, अखेर बसच्या चालकाने टोल नाक्याला बस ‘भिडवली’ यामुळे प्रवाशी प्रचंड घाबरले. नेमकं काय झालं हे त्यांना कळलं नाही. परंतु वणीला पोहोचण्यापूर्वी जर ते चाक निखळलं असतं तर मोठा अनर्थ घडला असता असे बोलल्या जात आहे.
