जागतिक शौचालय दिनाचे औचित्य आणि भूमिपूजन

● कोलगाव येथे पार पडला सोहळा

जागतिक शौचालय दिनाचे औचित्य साधत स्वच्छ भारत मिशन अभियाना अंतर्गत मारेगाव तालुक्यातील कोलगाव येथे दि. 19 नोव्हेंबर ला तीन लक्ष रुपये किमतीच्या सार्वजनिक शौचालयाचा भूमिपूजन सोहळा संपन्न झाला.

गावातीलच वयोवृद्ध महिला श्रीमती बहिणाबाई गणपत बलकी या वृद्ध महिलेच्या हस्ते पार पडलेल्या कार्यक्रमात तहसीलदार, गटविकास अधिकारी यांची उपस्थिती होती. याप्रसंगी बोलतांना सरपंच अभिषा निमसटकर म्हणाल्या की, शासन प्रशासनाशी समन्वय साधत गावाला शास्वत विकासाच्या पाऊल वाटेने पुढे नेऊ असे स्पष्ट केले.

आयोजीत सोहळ्याचे वेळी, स्वच्छ भारत मिशन अभियानाला यशस्वी करण्याबरोबरच, गावासह परिसरातुन कोविड 19 या महाभयंकर रोगाला संपविण्यासाठी गावात शंभर टक्के लसीकरण झालेच पाहिजे. हा मान कोलगाव ग्रामपंचायतीने मिळवावा असे आवाहन, मारेगांव पंचायत समितीचे गटविकास अधिकारी संजय वानखेडे यांनी ग्रामस्थांना केले.

आयोजीत सोहळ्याला पंचायत समिती मारेगांवचे गटसमन्वयक प्रदीप बोके, जलजिवन मिशनचे अभियंता दिनेश मंदे, सुरज निमसटकर तथा ग्रामपंचायत सचिव अमन रामटेके, सरपंच अभिषा राजु निमसटकर, उपसरपंच प्रदीप वासाडे, ग्रामपंचायत सदस्य जया जुनगरी, रवींद्र आत्राम, गुरुदास घोटेकर यांचेसह ग्रामपंचायत कर्मचारी आणि ग्रामस्थ मोठ्या संख्येने उपस्थित होते.
मारेगाव: बातमीदार