● तरुणाईत जल्लोष आणि उत्साह
Wani News | महाराष्ट्र नवनिर्माण सेनेचे नेते राजु उंबरकर यांच्या संकल्पनेतून आयोजित करण्यात येत असलेल्या गरबा उत्सवाचे आज पहिल्या दिवशी मोठ्या धूमधडाक्यात उद्घाटन झाले. याप्रसंगी तरुणाईत जल्लोष आणि उत्साह बघायला मिळाला. शुभारंभालाच अनेक स्पर्धकांनी सहभाग घेतला, यामुळे शहरात उत्साहाची लहर आणि माहोल निर्माण झाला. Garba Utsav was inaugurated today with great fanfare on the first day
गणेश चतुर्थीच्या सणानंतर सुरू झालेला हा गरबा उत्सव स्थानिक संस्कृतीचे प्रतीक असून, त्यात विविध स्पर्धात्मक कार्यक्रमांचे आयोजन करण्यात आले आहे. यंदा विशेषतः स्पर्धकांसाठी असलेल्या कार्यशाळा आणि सांस्कृतिक कार्यक्रमांनी या उत्सवाला आणखी रंगत आणली आहे.
महाराष्ट्र नवनिर्माण सेनेचे नेते राजू उंबरकर सातत्याने वणी विधानसभा क्षेत्रामध्ये सांस्कृतिक व सामाजिक कार्यक्रमांमध्ये अग्रेसर असतात. शिवजयंती असो की मनसेची दहीहंडी वणीकरांसाठी पर्वणीच असते. त्या प्रमाणेच मनसेचा गरबा तरुण- तरुणींना सातत्याने आकर्षित करतो.
उत्सवाच्या उद्घाटनावेळी प्रमुख उपस्थिती म्हणून तृप्ती उंबरकर, मनसे महिला जिल्हाध्यक्षा अर्चना बोदाडकर, वणी शहर अध्यक्ष शिवराज पेचे, गरबा उत्सवाचे अध्यक्ष साहिल सलाट, आजित शेख, मयूर गेडाम, लकी सोमकुवर, वैशाली तायडे, संदीप वाघमारे यांच्यासह स्थानिक पदाधिकारी व कार्यकर्ते उपस्थित होते. उद्घाटन सोहळ्यात संबोधित करताना तृप्ती उंबरकर यांनी या कार्यक्रमाचे महत्त्व आणि समुदायाच्या एकतेवर भर दिला. “गरबा हा आपल्या संस्कृतीचा अभिन्न भाग आहे. या उत्सवाद्वारे आपण एकत्र येऊन आनंद साजरा करतो,” असे त्यांनी सांगितले.
पहिला दिवस भरपूर उत्साह आणि आनंदाने भरलेला होता. विविध स्पर्धकांनी गरब्यात भाग घेतला आणि त्यांच्या कलेचा प्रदर्शन केले. उपस्थितांनी त्यांच्या सृजनशीलतेचे कौतुक केले. या कार्यक्रमात स्थानिक कलाकारांच्या सादरीकरणांनीही वातावरण सुशोभित केले. उत्सवाच्या दुसऱ्या दिवशी विविध स्पर्धा, नृत्य कार्यक्रमांचे आयोजन केले जाणार आहे. या उत्सवामुळे वनी शहराच्या सांस्कृतिक जडणघडणीला एक नवा आयाम मिळेल, अशी अपेक्षा व्यक्त केल्याजात आहे.
Rokhthok News