● मनसेच्या प्रचारयंत्रणेत महिलांचा मोठा सहभाग
Political News | विधानसभेच्‍या निवडणुका रंगतदार वळणावर येवून ठेपल्‍या आहेत. राजकीय पक्ष मोठया जोमाने प्रचारावर भर देतांना दिसत आहे. त्‍यातच महाराष्‍ट्र नवनिर्माण सेनेने मतदारसंघात झंझावात निर्माण केला आहे. तर मनसेचे अधिकृत उमेदवार राजु उंबरकर यांच्‍या प्रचारार्थ होम मिनिस्‍टर तृप्‍ती राजु उंबरकर यांनी प्रचारात आघाडी घेतली आहे. तसेच प्रचारयंत्रणेत महिलांचा मोठा सहभाग असल्याचे दिसून येत आहे. Home Minister Tripti Raju Umbarkar has taken the lead in the campaign.
वणी विधानसभेच्‍या निवडणुकीत तुल्‍यबळ उमेदवार रिंगणात आहे. राजु उंबरकर यांनी प्रचारात जोरदार मुसंडी मारली आहे. तसेच पक्ष प्रमुख राज ठाकरे यांची प्रचारसभा घेत वातावरण निर्मिती करण्‍यात आली आहे. राज ठाकरे यांनी “विकासाचा आजार झालेल्‍या मतदारसंघाला चांगला डॉक्‍टर राजुच्‍या रुपाने विधानसभेत पाठविण्‍याचे आवाहन मतदारांना केले होते”. त्‍यामुळे कामाचा मानुस संपुर्ण मतदारसंघात जोरदार घोडदौड करतोय.
“होम मिनिस्‍टर” तृत्‍पी राजु उंबरकर यांनी प्रचाराची धुरा हाती घेत शहरातील विविध प्रभागात मतदारांच्‍या भेटीगाठी घेण्‍यावर भर दिला आहे. मतदारांना मनेसेच्‍या वचननाम्‍याची प्रत देत सर्वांगीन विकासावर मनसेचा भर असेल असे आश्‍वासीत करण्‍यात येत आहे. संपुर्ण प्रभागात मतदार सुध्‍दा चांगला प्रतिसाद देत असल्याचे सकृतदर्शनी दिसत आहे.
महाराष्‍ट्र नवनिर्माण सेनेचे नेते राजु उंबरकर हे सातत्‍याने विविध उपक्रम राबवत असतात. जनहितार्थ आंदोलने आणि जनतेच्‍या प्रश्‍नांना न्‍याय मिळावा याकरीता ते झटत असतात. शेतकरी हिताच्‍या आंदोलनामुळे त्‍यांना कारागृहाची वारी सुध्‍दा करावी लागली होती तर जनहितार्थ उग्र आंदोलनामुळे त्‍यांचेवर अनेक गुन्‍हे सुध्‍दा दाखल झाले आहे. ए‍कुनच मनसेचा प्रचाररथ जोरदार घोडदौड करतांना दिसत आहे.
ROKHTHOK NEWS
