मारेगाव: दीपक डोहणे-जागतिक आदिवासी दिनाचे औचित्य साधून मारेगाव येथील कृषी उत्पन्न बाजार समिती सभागृहात उमेद बचत गटाचे वतीने बुधवारला रानमेवा महोत्सव आयोजित करण्यात आला.
रानभाज्यांचे महत्त्व लोकांपर्यंत पोहचविणे त्यातून आदिवासी शेतकऱ्यांना उत्पन्नाचे स्रोत निर्माण व्हावे या करिता महाराष्ट्र शासनामार्फत रानभाजी महोत्सव साजरा करण्यात येत आहे.
रानभाजी, पावसाच्या प्रारंभी सर्वत्र आढळून येत असून औषधी गुणधर्माने परिपूर्ण असल्याने आरोग्याच्या दृष्टीने अत्यंत उपयुक्त असतात. या राणभाज्यांचे नियमित सेवन केल्यास विविध आजारासाठी हितकारक असल्याची भूमिका विषद करण्यात आली. रानमेवा महोत्सवाचे उद्घाटन पं. स.सभापती शीतल पोटे यांनी केले. शंकर लालसरे यांची यावेळी प्रमुख उपस्थिती होती. जिल्हा कृषी अधीक्षक तथा तालुका कृषी अधिकारी पारसकर यांचे मार्गदर्शनात हा महोत्सव साजरा करण्यात आला. यावेळी बहुसंख्य शेतकऱ्यांची उपस्थिती होती.