● ब्राम्हणी येथील घटना
रोखठोक | तालुक्यात वाघाचा संचार सुरू आहे. परिसरात सातत्याने वाघ्रदर्शन होताहेत. अशातच शहरापासून जवळच असलेल्या ब्राह्मणी येथे टॉवरवर काम करणाऱ्या 35 वर्षीय मजुरावर वाघाने झडप घातली. या हल्ल्यात तो व्यक्ती गंभीर जखमी झाला आहे. ही घटना गुरुवारी पहाटे 4 वाजता घडली.
तालुक्यात सध्या वाघाची चर्चा जोरदार सुरू आहे. कुठे ना कुठे वाघाचे दर्शन नागरिकांना होत असल्याने भीतीचे वातावरण निर्माण झाले आहे. दोन दिवसांपूर्वी शहरातील मनीष नगर परिसरात वाघ आल्याचे नागरिकांनी बघितले होते.
तालुक्यात वाघांचा वाढता वावर आता डोकेदुखी ठरत आहे. आठवड्याभरा पूर्वी भुरकी येथील 25 वर्षीय युवकाला वाघाने ठार केले होते. तर गुरुवार दि. 24 ,नोव्हेंबरला पहाटे 4 वाजताचे सुमारास लगतच असलेल्या ब्राह्मणी गावात टॉवर चे काम करणाऱ्या बिहार येथील मजूर उमेश पासवान (35) याच्यावर वाघाने हल्ला करून जखमी केले आहे.
वाघाने हल्ला चढवताच अन्य मजुरांनी आरडाओरड केल्याने वाघाने धूम ठोकली. मात्र मजुराच्या मानेला गंभीर दुखापत झाली असून त्याचे वर डॉ. महेंद्र लोढा यांचे कडे उपचार सुरू आहे. वाघाच्या वाढत्या हल्ल्याने आता वाघांचा बंदोबस्त करण्याची मागणी जोर धरत आहे.
वणी: बातमीदार
