● संजय राठोड यांच्यावर शाब्दिक आगपाखड
वणी: राज्यातील शिवसेनेत प्रमुख असलेल्या नेते, खासदार, आमदारांनी पक्षाविरोधात बंड पुकारले. जिल्ह्यातील माजी मंत्री संजय राठोड यांनी सुद्धा बंडखोरी केली यामुळे शिवसैनिकात कमालीचा संताप व्यक्त होत आहे. बंडखोरांच्या विरोधात जिल्हा प्रमुख तथा माजी आमदार विश्वास नांदेकर यांच्या नेतृत्वात संतप्त शब्दात निदर्शने करण्यात आली.
मंगळवार दि. 28 जूनला दुपारी हजारो शिवसैनिकांसह येथील शिवतीर्थावर छत्रपती शिवाजी महाराज यांच्या पुतळ्यासमोर निदर्शने आंदोलन करण्यात आले. याप्रसंगी सुनील कातकडे, संजय देरकर, संजय निखाडे, दीपक कोकास, शरद ठाकरे, गणपत लेडांगे, संजय आवारी, विक्रांत चचडा, महेश चौधरी यांच्यासह अनेक पदाधिकारी महिला आघाडी संघटिका उपस्थित होते.
निदर्शन आंदोलनात बोलतांना विश्वास नादेकरांनी घणाघाती शाब्दिक फटके बंडखोरांना लागवले. पक्षप्रमुख उद्धव ठाकरेंनी या बंडखोरांसाठी काय केले नाही. मानसन्मान दिला, मोठमोठी पदे बहाल केली. आणि त्याच पक्षाविरोधात एका महाशक्तीच्या साथीने बंडखोरी केली हे शिवसैनिक कधीच खपवून घेतली जाणार नाही असे परखड मत नांदेकरांनी व्यक्त केले.
वणी: बातमीदार
