● पठारपूर येथील घटना
वणी: तालुक्यातील पठारपूर येथे गुरूवार दि. 13 जानेवारीला दुपारी बारावीत शिकणाऱ्या 17 वर्षीय विद्यार्थीनीने गळफास लावून आत्महत्या केल्याची घटना उघडकीस आली.
श्रध्दा धनराज पेचे (17) असे मृतक विद्यार्थिनींचे नाव आहे. ती पठारपूर येथील निवासी असून कायर येथील महाविद्यालयात बारावीत शिकत होती. गुरुवारी दुपारी घरी कोणीही नसल्याची संधी साधून तिने आपल्या घरातच गळफास घेतला.
काही कालावधी तिचे वडील धनराज पेचे हे कायर वरून घरी परतले असता त्यांना गळफास घेतलेल्या अवस्थेत श्रध्दा दिसून आली. त्यांनी आजूबाजूच्या शेजाऱ्यांना बोलावले तसेच मुकुटबन पोलिसांना सूचित करण्यात आले. पोलिसांनी घटनास्थळ गाठत मृतदेहाचा पंचनामा करून उत्तरीय तपासणी करिता पाठवला आहे. तिने आत्महत्येसारखे टोकाचे पाऊल का उचलले हे कळू शकले नाही.
वणी : बातमीदार
