● कोसदनी घाटात घडली घटना
Accident News | नागपूर-तुळजापूर मार्गावरील आर्णीच्या पुढे असलेल्या कोसदनी घाटात महामार्ग पोलीस वाहनाचा भीषण अपघात झाला आहे. या घटनेत कर्तव्यावर असलेला पोलीस कर्मचारी मृत्युमुखी पडला तर दोघे गंभीर जखमी आहेत. ही भीषण घटना आज मध्यरात्री घडली. A highway police vehicle has met with a terrible accident in Kosdani Ghat.
संजय नेटके असे अपघातात ठार झालेल्या दुर्दैवी पोलीस कर्मचाऱ्यांचे नाव आहे. तर संतोष हराळ गंभीर जखमी झाला असून त्याला पुढील उपचारार्थ नागपूरला हलविण्यात आले आहे. तसेच जखमी असलेल्या कुणाल साळवे यांचेवर क्रीटीकेअर हॉस्पिटलमध्ये उपचार सुरू आहेत.
महामार्गावरील कोसदनी लगत महामार्ग पोलिसांची चौकी आहे. मद्यरात्रीच्या सुमारास पोलीस वाहनाला भीषण अपघात झाला. यात वाहनाचा चेंदामेंदा झाला असून नेमका अपघात कसा झाला हे अद्याप स्पष्ट होऊ शकले नाही. मात्र अज्ञात वाहनाने पोलीस वाहनाला मागून धडक दिली असावी असा कयास वर्तवण्यात येत आहे.
Rokhthok News
