● MIDC परिसरातील घटना
Sad News :
एमआयडीसी परिसरात मोकळ्या मैदानातील झाडाला गळफास लावून एका व्यक्तीने आत्महत्या केल्याची घटना सोमवारी 4 वाजता उघडकीस आली. वामन दिगांबर बुरचुंडे (42) असे मृतकाचे नाव असून तो गवंडी कामगार होता. Worker commits suicide by hanging
वामन बुरचुंडे हे आपल्या कुटुंबासह लालगुडा (जुना) येथे वास्तव्यास होते. गवंडी काम करून तो आपल्या परिवाराचा उदरनिर्वाह करायचा. आर्थिक चणचण असल्याने काही काळापासून ते नैराश्यग्रस्त होते, असे बोलल्या जाते.
सोमवारी दुपारी एमआयडीसी परिसरातील क्वॉटर जवळील झाडाला त्यांनी दोरीच्या साहाय्याने गळफास लावून जीवनयात्रा संपवली. ही बाब प्रत्यक्षदर्शीनी पोलिसांना कळवली. पोलिसांनी घटनास्थळी धाव घेत पंचनामा केला व शव उत्तरीय तपासणीसाठी ग्रामिण रुग्णालयात पाठवला.
वामन बुरचुंडे यांच्या पश्चात पत्नी व एक मुलगा असा परिवार असून त्यांच्या आत्महत्येमुळे कुटुंबावर दुःखाचा डोंगर कोसळला आहे. आत्महत्येचे नेमके कारण अद्याप स्पष्ट झाले नसून वणी पोलिस पुढील तपास करत आहे.
Rokhthok News
