● 25 वर्षीय प्रज्योत बुच्चे यांचा जागीच मृत्यू
Sad News :
Fatal accident near Chargaon Chauphuli दिवाळीच्या आनंदावर विरजण घालणारी दुर्दैवी घटना चारगाव चौफुलीजवळ घडली. लक्ष्मीपूजनाच्या दिवशी झालेल्या भीषण अपघातात मंदार येथील 25 वर्षीय प्रज्योत बुच्चे यांचा जागीच मृत्यू झाला. या घटनेने परिसरात शोककळा पसरली आहे.
प्राथमिक माहितीनुसार, प्रज्योत हे मंदर गावाहून तडाळीकडे जात असताना चारगाव चौफुली जवळ त्यांच्या वाहनाला अपघात झाला. अपघाताची भीषणता इतकी होती की, त्यांना घटनास्थळीच प्राण गमवावे लागले.
प्रज्योत यांच्या पश्चात पत्नी आणि अवघ्या सहा महिन्यांची मुलगी आहे. ऐन उमेदीच्या वयात कुटुंबाचा आधार हरपल्याने बुच्चे परिवारावर दुःखाचा डोंगर कोसळला आहे. दिवाळीच्या सणादिवशी घडलेल्या या घटनेने संपूर्ण परिसर हळहळला आहे.
