● सच्चा शिवसैनिक हरपला
वणी :- वणी पंचायत समितीचे माजी सभापती बाळू उर्फ अभय सोमलकर यांचे अल्पशा आजाराने निधन झाले. ते मागील काही काळापासून आजारी होते. त्यांचेवर नागपूर येथे उपचार सुरू असताना शुक्रवार दि.24 जूनला मध्यरात्री प्राणज्योत मालवली.
बाळू सोमलकर (48) यांचे मुळगाव सावरला हे होते मात्र ते वणीतच स्थायिक झाले होते. ते जेष्ठ शिवसैनिक होते तसेच त्यांनी वणी पंचायत समितीचे सभापतीपद भूषवले आहे. सावरला गणातून ते निवडून यायचे.
बाळू सोमलकर मास लीडर म्हणून परिसरात परिचित होते. होते.शिवसेना पक्षाने त्यांना पंचायत समिती सभापतीची जबाबदारी दिली होती.ती त्यांनी यशस्वीरित्या पारपाडली होती.
सोमलकर यांच्यातील संघटन कौशल्य वाखाणण्यासारखे होते. तडफदार स्वभावाचे असल्याने त्यांनी राजकारणात चांगलीच भरारी घेतली होती. त्यांनी आपल्या पत्नीला देखील निवडून आणत पंचायत समितीत सभापती केले होते.
मागील काही दिवसांपासून त्यांची प्रकृती बिघडल्याने त्यांच्यावर उपचार सुरू होते. दि 24 जून ला रात्री नागपूर येथे उपचारादरम्यान त्यांचा मृत्यू झाला आहे. त्यांच्या मागे आई, वडील, पत्नी, मुलगा, मुलगी असा परिवार आहे.
वणी: बातमीदार
(रोखठोक परिवाराकडून भावपूर्ण श्रद्धांजली)
