● विष प्राशन करून जीवन संपवले, मारेगाव तालुक्यातील घटना…..
Sad News : मारेगाव तालुक्यातील गोरज येथे एका 42 वर्षीय तरुण शेतकऱ्याने विषारी औषध प्राशन करून आत्महत्या केली. गुरुवार दिनांक 23 एप्रिलला सायंकाळी 7 वाजताच्या सुमारास ही घटना घडली असून मध्यरात्री उघडकीस आली. या घटनेमुळे परिसरात हळहळ व्यक्त केली जात असून शेतकरी वर्गात चिंतेचे वातावरण निर्माण झाले आहे. Breaking .. Young farmer commits suicide
अविनाश लटारी पानघाटे (42) असे मृतकाचे नाव आहे. ते मारेगाव तालुक्यातील गोरज येथे वास्तव्यास होते. त्यांच्या नावावर सुमारे 3 एकर शेती असून त्यावर ते आपल्या परिवाराचा उदरनिर्वाह करीत होते. सततची नापिकी आणि आर्थिक विवंचना यामुळे ते त्रस्त असल्याचे बोलल्याजाते. तसेच शेतीसाठी घेतलेल्या बँक कर्जाचा ताण असल्याची माहिती सुद्धा समोर येत आहे.
मृतकाचे कुटुंबीय लग्नसमारंभाहून परत आल्यानंतर अविनाश घरी दिसून न आल्याने त्यांचा शोध घेण्यात आला. त्यांना फोन करूनही प्रतिसाद मिळत नसल्याने नातेवाईक व ग्रामस्थांनी शेताकडे धाव घेतली. यावेळी वनोजा देवी शेतशिवारातील उत्तम पानघाटे यांच्या शेतात एका झाडाजवळ अविनाश बेशुद्ध अवस्थेत आढळले. त्यांच्या तोंडातून पांढरा फेस येत असल्याचे दिसून आल्याने त्यांनी विषारी औषध प्राशन केल्याचा अंदाज व्यक्त करण्यात आला.
घटनेची माहिती मिळताच पोलिसांनी घटनास्थळी धाव घेऊन पंचनामा केला. त्यानंतर मृतदेह ग्रामीण रुग्णालय, मारेगाव येथे हलविण्यात आला. या प्रकरणी मारेगावचे ठाणेदार शाम वानखेडे यांच्या मार्गदर्शनाखाली सहाय्यक पोलीस उपनिरीक्षक दिगंबर किनाके, संभा लेंनगुरे पुढील तपास करताहेत.
Rokhthok
