● मोकाट कुत्र्यांनी चढवला होता हल्ला
रोखठोक | विद्यानगरी परिसरात मागील एक महिन्यापासून वानराचे पिल्लू कळपातुन भरकटले. ते त्याच परिसरात भटकत होते मात्र मोकाट कुत्र्यांनी त्या पिल्लावर हल्ला चढवला. यात ते पिल्लू गंभीर जखमी झाले. ही बाब निलेश चौधरी यांना समजताच त्यांनी प्राणी मित्राच्या मदतीने वानराच्या जखमी पिल्लाला जीवदान दिले. The baby monkey strayed from the herd. They were wandering in the same area but the loose dogs attacked the puppy.
वानराचे कळप पाण्यासाठी जंगलातून शहराच्या दिशेने येताहेत. असेच एका कळपातून लहानगे पिल्लू भरकटले. विद्यानगरी परिसरात या घरावरून त्या घरावर हुंदडत असल्याने बाळ गोपाळाना त्याचा लळा लागला होता. मंगळवारी सायंकाळी मोकाट कुत्र्यांनी त्या वानराच्या पिल्लावर हल्ला चढवला.
घडलेल्या या प्रकाराची माहिती निलेश चौधरी व स्थानिक तरुणांना कळली. त्यांनी तातडीने वानराच्या पिल्लावर उपचार करण्याचा निर्णय घेतला. शहरातील प्राणिमित्र हरीश कापसे यांना पाचारण करण्यात आले तर वन विभागाला सूचना देण्यात आली.
चार तासाच्या परिश्रमातून गंभीर जखमी असलेल्या वानराच्या पिल्लाला ताब्यात घेण्यात आले. गंभीर जखमी झालेल्या पिल्लाला वन विभाग व प्राणीमित्र हरीश कापसे यांनी उपचारार्थ रुग्णालयात हलवले. या प्रसंगी विद्यानगरी येथील अशोक चौधरी, मनोज नवघरे, विनोद आवरी, विलास समर्थ, अशोक चव्हाण, धनराज डवरे यांचे सहकार्य लाभले.
वणी: बातमीदार
