● बाबापूर गावात पसरली शोककळा
SAD NEWS WANI | आर्थिक विवंचना आणि अस्मानी संकट यामुळे शेतकरी टोकाचे पाऊल उचलताना दिसत आहे. तालुक्यातील बाबापूर येथील 45 वर्षीय शेतकरी पुत्राने आपल्या शेतात विषाचा घोट पोटात रिचवत मृत्यूला कवटाळले. ही दुःखद घटना बुधवार दिनांक 22 नोव्हेंबरला उघडकीस आली. A farmer’s son died in his field by swallowing poison in his stomach.
प्रशांत अण्णाजी निब्रड (45) असे मृतकाचे नाव आहे. तो आपल्या परिवारासह बाबापूर येथे वास्तव्यास होता. वडिलांच्या नावे असलेलली शेती तो कसायचा. घटनेच्या दिवशी नेहमीप्रमाणे तो शेतात गेला होता. बराच वेळ लोटला तरी तो घरी न परतल्याने कुटुंबीयांनी शेतात जाऊन बघितले असता प्रशांतचा घटनास्थळीच मृत्यू झाला होता.
पारिवारिक मंडळींनी पोलिसांना सूचित केले, पोलिसांनी घटनास्थळी धाव घेत पंचनामा केला व मृतदेह उत्तरीय तपासणीसाठी पाठविण्यात आला. त्याचे पश्चात आई, वडील, पत्नी, दोन मुले असा आप्तस्वकीय परिवार आहे. त्याच्या मृत्यूने बाबापूर गावात शोककळा पसरली आहे. पुढील तपास शिरपूर पोलीस करताहेत.
Rokhthok News
