● पदग्रहण सोहळा उत्साहात
वणी: रोटरी क्लब ऑफ ब्लॅक डायमंड सिटी वणी चा पदग्रहण सोहऴा एस. बी. हॉल येथे उत्साहात पार पडला. यावेळी नवनियुक्त अध्यक्षपदी निकेत गुप्ता व सचिव लवलेश लाल यांना कॉलर पिन देऊन पदभार देण्यात आला.
याप्रसंगी प्रमुख अतिथी म्हणून आमदार संजीवरेड्डी बोदकुरवार, रोटरी 3030 चे डिस्ट्रिक्ट सेक्रेटरी श्रीनिवास लेले, असिस्टेंट गवर्नर राहुल सराफ, प्रतिष्ठित व्यवसायीक विजय चोरडिया उपस्थित होते. रोटरी क्लब चे नवनियुक्त अध्यक्ष निकेत गुप्ता, नवनियुक्त सचिव लवलेश लाल, यांना मावळते अध्यक्ष विनोद खुराना यांनी कॉलर पिन देऊन पदभार दिला.
प्रमुख अतिथी यांनी आपले मनोगत व्यक्त करताना रोटरी क्लब ऑफ ब्लॅक डायमंड सिटी च्या कार्यांची प्रशंसा केली. समाजकार्यात ही संस्था नेहमीच अग्रेसर असल्याचे सांगितले. असिस्टेंट गवर्नर राहुल सराफ यानी रोटरी 3030 चे डिस्ट्रिक्ट गर्वनर डॉ. आनंद झुनझुनवाला यांच्या संदेशाचे वाचन केले.
यावेळी निखिल केडिया, अंकुश जैस्वाल, अनिल उतरवार, संदीप जैस्वाल, अरुण कावडकर, आशीष गुप्ता, धवन अग्रवाल, परेश पटेल, असलम चीनी, सुनील चिंडालीया, अचल जोबनपुत्रा, मयूर गेडाम, मयूर अग्रवाल, शाहबुद्दीन अजानी, हिमांशु बत्रा, राजेश राठी, अंकुश भंडारी, रुद्र टाटेवार, श्रेयस निखार, शुभम मदान, गौरव जोबनपुत्रा, संजय छाजेड व सर्व रोटरी चे सदस्य व त्यांचे कुटुंब उपस्थित होते.
वणी: बातमीदार
